- Lyrics
- Album list
勞動服務
-
老佛山傳奇 (The legend of Mt.Laofo)
Lyricist:林家鴻 Composer:林家鴻 Arranger:柯智豪 Blaire Ko
流傳佇台灣島南爿的傳說 清朝的恆春縣誌內底嘛有寫 無仝的庄頭 無仝款的講法 人客仔這條歌詞恁就斟酌仔聽
老佛山 一個趣味的地名 跟佛祖咁有關係 我毋知影 伊是恆春半島的第二高山 聽講足濟神明攏住佇這
開車過滿州 一路向東 路邊出現一堆廟寺的看板 吸引四面八方 的修行人 其中一個大人物 號做楊傳廣
山腳有住 無仝款的民族 漢人 馬卡道 排灣 斯卡羅 有的攑香拜拜 有的信耶穌 台東的阿米斯 嘛會來這祭祖
佇這會當看到特殊的信仰 山神的外型親像石頭公 壁腳的矸仔是平埔太祖 儀式的進行 就愛靠向婆
流傳佇台灣島南爿的傳說 清朝的恆春縣誌內底嘛有寫 無仝的庄頭 無仝款的講法 人客仔這條歌詞恁就斟酌仔聽
深山林內 有烏烏的矮人 尹佇起厝 攏是用石板 Find more lyrics at ※ Mojim.com 腳手溜俐擱毋驚做粗重 但是足久無人看過尹的形影
歸落冬前 山內做工程 欲起道場 來奉祀觀世音 煞去挖著白骨佮陪葬品 聽講這帶後來攏袂平靜
起一座塔 安搭先人的靈魂 祭品有檳榔 歸枝仔薰 建材是古早人用過的石仔 賰的就抾抾放佇大樹腳
老佛山 藏佇个雲的後面 毋知內底擱有外濟秘密 石頭厝的彼群人 咁真正消失 覓佇磅空內 乎人尋無尹
擱會記个有一年來參加春吶 一個人佇滿州的庄頭 烏白行 拄著一位親切的 原住民大兄 講山內 有足濟物件倘予看
伊不斷提醒 叫我就愛較細膩 袂當對挖出來的古物無尊敬 聽講以早有人就是 相過了鐵齒 轉去都市 無外久 就馬上破病
佇這兮荒郊野外 完全攏無路標 樹葉仔暗暗 強欲看無日頭 行袂出這片山林 乎人真正想欲吼 恐驚到時陣會去予魔神仔牽走
-
|